काठमाडौँ,मंसिर ७ ।
आईसीसी महिला टी–ट्वान्टी विश्वकप क्रिकेटको एसिया छनोट अन्तर्गत नेपालले आज भुटानसँग प्रतिष्पर्धा गर्दैछ ।
दुबईको आईसीसी क्रिकेट एकेडेमीमा दुई देशबीचको खेल नेपाली समय अनुसार दिउँसो सवा ३ बजे देखि सुरु हुनेछ । यस अघि हिजो भएको खेलमा नेपाल हङकङसँग ६ विकेटले पराजित भएको थियो ।
भुटान दोस्रोे जित निकाल्ने योजनामा हुनेछ । पहिलो खेलमा भुटानले कुवेतलाई ४० रनले हराएको थियो ।
छनोट अन्तर्गत नै नेपालले बिहीबार कुवेत, शुक्रबार मलेसिया र आइतबार आयोजक यूएईसँग प्रतिष्पर्धा गर्नेछ ।
नेपाललाई शीर्ष स्थानमा रहँदै २०२२ को ग्लोबल छनोटमा पुग्न योसहित बाँकी सबै खेल जित्नुपर्नेछ । हङकङले बाँकी खेलमा कम्तीमा एक म्याच हारेको खण्डमा नेपालको यात्रा सहज हुनेछ ।
