सुशील बस्नेत
दाङ २० मंसिर/ हरेक वर्षको डिसेम्बर ५ मा मनाईने अन्तर्राष्ट्रिय स्वयंसेवक दिवस यसबर्ष पनि दाङमा मनाईएको छ । मानव अधिकार तथा शान्ति समाज दाङ शाखाले स्वयसेवालाई अभियानको रुपमा बिकास गर्ने उदेश्यले तुलसीपुर स्थीत रानीघाटमा बिहीबार बिहान सरसफाई गरेको शान्ति समाजका केन्द्रिय सदस्य तुलसीराम सुनारले जानकारी दिनुभयो ।
शान्ति समाजले वर्षेनी यसदिवसलाई सामाजिक क्षेत्रमा स्वयंसेवाको भावका साथ सरसफाई, महिला स्वयंसेवीका, बिभिन्न क्षेत्रमा स्वयसेवाका साथ काम गर्दै आएका संघसंस्थाहरुसँग नागरिक संवाद लगायतका कार्यक्रम गर्दै आएको केन्द्रिय सदस्य सुनारले बताउनुभयो । रानीघाटमा सरसफाई बिहान ८ बजेदेखि सुरु भएको थियो । सरसफाई कार्यक्रममा रानीघाट टोल बिकास संस्थाका पदाधिकारी, सदस्यलगायत स्थानीयहरुको उपस्थिती थियो । रानीघाटमा दाहसंस्कार अन्त्येष्टि पछि सरसफाई गर्ने आनीबानि नै नभएकाले फोहरको डुंगर मात्र हुने गरेको र जसका कारण समुदायमा वातावरणिय असर पर्ने गरेको छ ।
सरसफाई कार्यक्रम पछि आयोजित कार्यक्रममा मानव अधिकार तथा शान्ति समाजका केन्द्रिय सचिव निर्मल नेपाली, जेष्ठ नागरिक समाज लुम्बिनी प्रदेशका अध्यक्ष खुमानन्द अधिकारी, रानीघाट टोल बिकास संस्थाका अध्यक्ष उत्तमकुमार आचार्य र उपाध्यक्ष आनीमाया न्यौपाने, अमर बोडिङका अध्यक्ष केशरी प्रसाद अधिकारी, पुल्चोक टोल बिकास संस्थाका अध्यक्ष डल्लु चौधरी, समाजसेवी एकराज ढकाल र पिताम्वर आचार्य लगायतले सरसफाईको निरन्ताका लागि उपमहानगरपालिका र अन्त्येष्टिमा आउनुहुने सबै पक्षको सक्रिया भूमिका हुनुपर्नेमा जोड दिनुभयो ।
शान्ति समाज दाङका सभापति कोमल डिसीको सभापतित्वमा भएको कार्यक्रममा शान्ति समाजका निर्वतमान बरिष्ठ उपसभापति सुशील बस्नेत, केन्द्रिय सदस्य तुलसीराम सुनार, शाखा सदस्य ललित गुप्ता र आजिवन सदस्य संजोग गिरीको समेत सहभागिता रहेको थियो । संयूक्त राष्ट्रसंघले अन्तर्राष्ट्रिय स्वंसेवक दिवस मनाउने गर्दछ । सदस्य राष्ट्रहरु लगायत संसारभरिनै यस दिन विभिन्न कार्यक्रम गरेर स्वंसेवक दिवस मनाउने चलन छ ।
