तुलसीपुर, २४ मंसिर । तुलसीपुर उपमहानगरपालिकाका निवर्तमान मेयर घनश्याम पाण्डेले शान्ति, अमनचयन र मानवताको सुरक्षा गर्ने संयुक्त राष्ट्रसंघको प्रमुख सिद्धान्त भएको बताउनु भएको  छ ।  सोमबार हिमाल ऐकेडेमीले आयोजना गरेको सयुक्त राष्ट्रसंघ महासभाको नमूना अभ्यास कार्यक्रमका प्रमुख अतिथि समेत रहनुभएका पाण्डेले शान्ति, अमनचयन र मानवताको सुरक्षा गर्ने संयुक्त राष्ट्रसंघको प्रमुख सिद्धान्त भएको  बताउनु भएको हो ।

विश्वलाई नै शुरक्षित गर्नका लागि सयुक्त राष्ट्रसंघ स्थापना भएको उहाँले बताउनुभयो । आज भन्दा १०४ वर्ष अगाडि प्रथम विश्वयुद्धको सुरुवात भएको हो, हजारौं मानिसहरुले आफ्नो ज्यान गुमाएका थिए,उहाँले भन्नुभयो- दोस्रो विश्व युद्धपछि अन्तर्राष्ट्रिय शान्ति सम्मेलनबाट यसको अवधारणा आएको हो ।,

निवर्तमान मेयर पाण्डेले मानवताको सुरक्षा गर्नुपर्छ भनेर विश्वका अगुवा व्यक्तिहरुको भेलामा सयुक्त राष्ट्रसंघले सन १९४८ डिसेम्बर १० मा विश्वव्यापीको रुपमा मानव अधिकारको घोषना गरेको जानकारी दिनुभयो । महिला पुरुष हुने कुरा प्रकृतिको नियम हो, उहाँले भन्नुभयो गरिवी, बेरोजगारी, फरक देश, जातजाति र भाषाका आधारमा विभेद गर्न पाइदैन् भन्ने सयुक्त राष्ट्रसंघको र मानव अधिकारको सिद्धान्त हो । उहाँले हामी सबै एउटै हो भन्ने सोचका साथ अगाडि बढ्नुपर्ने बताउनु भयो । 

सयुक्त राष्ट्रसंघमा १९३ वटा देशले सदस्यता लिएका छन । उक्त देशहरुबाट एकएक जना प्रतिनिधिहरुलाई बोलाएर सम्मेलन गर्ने काम महासभाको हुने निवर्तमान मेयर पाण्डेले बताउनुभयो । विश्वमा जलवायु परिवर्तनको प्रवाह बढेर असन्तुलित वातावरण पैदा भई मानव जिवनमा असर पार्ने हानिकार उत्पन्न भएकाले सयुक्त राष्ट्रसंघले विश्व परिस्थीती प्रणालीका बारेमा शिखर सम्मेलन आयोजना गरेको उहाँले बताउनु भयो ।

कार्यक्रमका विशिष्ट अतिथी तुलसीपुर उपमहानगरपालिका वडा नं. ६ का वडाध्यक्ष दुजमान भण्डारीले आफु उपमहानगरको वन तथा वातावरण संयोजक भएकाले संयुक्त राष्ट्र संघको आयोजना कोप-२९ मा सहभागी भएको बताउनुभयो । उहाँले नेपालको वातावरणको लागि विश्वले नै सहयोग गरिरहेको बताउनु भयो ।

उक्त अवसरमा वरिष्ठ सहजकर्ता तथा अधिकारकर्मी सुशील बस्नेतले संयुक्त राष्ट्रसंघ आफ्नै महत्त्व बोकेको संस्था भएको बताउनुभयो । संयुक्त राष्ट्रसंघले नै घोषणा गरेको मानव अधिकार दिवस, हामीले मनाउदै आएका छौं उहाँले-भन्नुभयो,हामीले  लैंगिक हिंसा बिरुद्ध अन्तर्गत १६ दिने अभियान मनाउदै आएका छौं ।

तुलसीपुर नगर जेसिजका अध्यक्ष पुर्ण बिक्रम डाँगीले समाजको असल नेतृत्वका लागि सफल व्यक्ति हुन जरुरी रहेको बताउनुभयो । विद्यार्थीहरुको सोच र क्षमतालाई वृद्धि गर्ने उदेश्यका साथ संयुक्त राष्ट्रसंघ महासभाको नमूना अभ्यास कार्यक्रम आयोजना गरेको बताउनु भयो ।

यसैबीच हिमाल ऐकेडेमी तुलसीपुरले नमूना संयुक्त राष्ट्रसंघ महासभाको नमूना अभ्यास कार्यक्रम गरेको छ । हिमाल ऐकेडेमी कक्षा ११ मा अध्ययनरत छात्रा प्रशंसा केसीको अध्यक्षतामा कार्यक्रम भएको हो । हिमाल एकेडेमीका प्रध्यानाध्यापक मदुसुधन केसीको स्वागत मन्तव्यबाट सुरु भएको कार्यक्रम सहजीकरण शिक्षक नविन प्राजुलीले गर्नुभएको थियो ।