दाङ, १२ माघ । दाङको तुलसीपुर –८ नयाँबस्तीबाट जुवा खेल्दै गरेका ६ जनालाई ५३ हजार सहित प्रहरीले पक्राउ गरेको छ । पक्राउ पर्नेमा तुलसीपुर– ८ नयाँबस्ती निवासी ४४ वर्षका झुपराज घर्तीमगर, ४९ वर्षका टिकाराम सार्की, २५ वर्षका दोर्ण प्रसाद जैसी, ३० वर्षका धन बहादुर थापा, लक्षिमान घर्तीमगर, ३० वर्षका चेत बहादुर सुनार रहेको इलाका प्रहरी कार्यालय तुलसीपुरले जानकारी दिनुभएको छ ।
पक्राउ परेकाहरूको साथबाट प्रहरीले ५३ हजार ९ सय ८० रुपैयाँ र एक गड्डी तास बरामद गरेको छ । पक्राउ परेका सबैलाई इलाका प्रहरी कार्यालय तुलसीपुरमा राखिएको प्रहरी निरीक्षक सूर्य रानाले जानकारी दिनुभयो ।
