काठमाडौं, फागुन १८ । सङ्घीय संसदअन्तर्गतको राष्ट्रियसभा बैठक आइतबार बस्ने भएको छ । आज मध्याह्न १२ः१५ बजेबाट सुरु हुने बैठकमा अध्यक्ष नारायणप्रसाद दाहालले राष्ट्रियसभाअन्तर्गत गठित विषयगत समितिमा रहने सदस्यहरुको हेरफेर गर्नुहुने छ ।
यसैगरी, बैठकमा उपप्रधान एवम् अर्थमन्त्री विष्णुप्रसाद पौडेलले ‘प्रतिनिधिसभाबाट सन्देशसहित प्राप्त बैंकिङ कसुर तथा सजाय ९दोस्रो संशोधन० विधेयक, २०८० माथि विचार गरियोस्’ भन्ने प्रस्ताव सभा समक्ष प्रस्तुत गर्नुहुने संसदका महासचिव पद्मप्रसाद पाण्डेयले जानकारी दिनुभयो ।
यसैगरी, कानुन, न्याय तथा संसदीय मामिला मन्त्री अजय कुमार चौरसियाले ‘विधान व्यवस्थापन समितिको प्रतिवेदनसहित नेपाल कानुन व्यवसायी परिषद् ९दोस्रो संशोधन० विधेयक, २०८१ माथि छलफल गरियोस्’भन्ने प्रस्ताव प्रस्तुत गर्नुहुने । साथै उहाँले ‘नेपाल कानुन व्यवाियी परिषद् ९दोस्रो संशोधन० विधेयक, २०८१ लाई पारित गरियोस्’ भन्ने प्रस्ताव पनि प्रस्तुत गर्नुहुने कार्यसूची रहेको छ ।
यसैगरी, प्रधानमन्त्री केपी शर्मा ओलीले भ्रष्टाचार निवारण ९पहिरो संशोधन० विधेयक, २०७६ का सम्बन्धमा प्रतिनिधिसभाबाट भएको संशोधनलाई सहमति गरियोस्’ भन्ने प्रस्ताव प्रस्तुत गर्नुहुने महासचिव पाण्डेयले जानकारी दिनुभयो ।
