तेस्रो आँखा
काठमाडौं, २ चैत। फागुन २८ गते शनिबार भेरी नदीमा नुहाउँने क्रममा बेपत्ता भएका तीन जना मध्य ८ वर्षीय बालक दिनेश बुढा मगरको शव फेला परेको छ।
बुधबार दिउँसो भेरीगंगा र वीरेन्द्रनगर नगरपालिकाबीचमा पर्ने भेरी पुलको एकसय मिटर तल पानीमा तैरिएको अवस्थामा उनको शव फेला परेको हो ।
शनिबार साँझ ५ बजेको समयमा सुर्खेतको भेरिगंगा नगरपालिका–११ रामघाट स्थित रानिवगर घाट भेरी नदीमा नुहाउने क्रममा तीन जना बालबालिका बेपत्ता भएका थिए ।
भेटिएका ८ वर्षका बालक बुढामगरको शव पोष्टमार्टमका लागि मेहलकुना अस्पतालमा लगिएको रक्तकालि गण बाँगेशीमल सुर्खेतका एसपी बिमल डाँगीले जानकारी दिए ।
बेपत्ता हुनेहरूमा भेरीगंगा नगरपालिका–११ का १० वर्षीय गंगा खड्का, ८ वर्षीय कृष्णा सिजाली अँझै बेपत्ता रहेकाछन् । उनीहरुको नेपाल प्रहरी, सशस्त्र प्रहरी बल र स्थानीयले खोजीकार्य जारी राखेका छन् ।
