दाङ, १९ माघ । राष्ट्रिय स्वतन्त्र पार्टी (रास्वपा) दाङ जिल्ला क्षेत्र नम्बर २ का उम्मेदवार विपिन आचार्यले आज जेन्जी युवाहरूसँग अन्तरक्रिया तथा सात्क्षत्कार कार्यक्रम गर्नुभएको छ। शनिबार घाेराही उपमहानगरपालिका वडा नम्बर १५ का जेन-जी युवाहरुसंग उहाँले अन्तरक्रिया गर्नुभएको हाे ।
अन्तरक्रिया कार्यक्रमलाई सम्बाेधन गर्दै विपिन आचार्यले ८४ को चुनावी जेन-जीहरुले ८२ मै ल्याएको बताउनुभयो । हामीले ८४ काे चुनावी तयारी गर्दै थियौं तर तपाईंहरुले ८२ मा सार्दिनुभयाे, उहाँले भन्नुभयो, तत्कालीन सरकारकाे व्यवस्था, चरम, भ्रष्टाचार र अनियमितता २०८४ सम्म देशले कुर्न सक्दैन` । मुलुकलाई निकासा दिन जेज-जी युवाहरुकाे भदौ २३ गतेकाे आन्दोलन गरेको उहाँको भनाइ छ ।
आफुलाई थप जिम्मेवार बन्न र युवाहरुको मागलाइ सम्बोधन गर्दै अगाडी बढ्ने कार्यभार थपिएको बताउनुभयो। `सबै आम जनताको साझा मागलाइ सम्बोधन गर्नको लागि उम्मेदवारी दिएको छु´ आचार्यले भन्नुभयो । अबको लडाइँ आफुहरुसङ्गै लड्नु पर्छ भन्दै सबै युवाहरुलाइ आग्रह गर्नुभयो । आचार्यले देशलाइ बचाउन, युवाहरुलाइ हाम्रै देशमा सम्भावना देखाउन र वैदेशिक पलायन रोक्नको लागि यसपटक रास्वपाले बहुमत ल्याउनै पर्ने बताउनुभयो। 
उक्त अन्तरक्रिया कार्यक्रममा केन्द्रिय तहका नेताहरुको समेत उपस्थिति रहेको थियो। जेन-जी युवाहरुले रास्वपाका उम्मेदवारलाइ बिजय गराउनको लागि तयार भएको भन्दै यसपटक दाङमा घण्टी बजाउनै पर्ने प्रतिबद्धता गरेका छन। उपस्थित सबै युवाहरुले चुपचाप घण्टी छाप भन्दै नारा लगाएका थिए।
