काठमाडौँ, फागुन २० गते । बुधबार काठमाडौँका सडक सुनसान देखिएका छन् । बिहीवार हुने आम निर्वाचनका लागि मतदान गर्न काठमाडौँमा बसोबास गर्दै गरेका मतदाता जिल्लाजिल्लामा गएपछि काठमाडौँका सडक सुनसान बनेका हुन् ।
सरकारले मतदान गर्न र निर्वाचनको वातावरण बनाउन बुधबार, बिहीबार र शुक्रबारका लागि सार्वजनिक बिदा दिएको छ । सरकारले तीन दिन सार्वजनिक बिदा दिएको र त्यही बिचमा शनिबार परेकाले काठमाडौँमा बसोबास गर्ने अधिकांश जिल्लाका मतदाता जिल्लाजिल्लामा गएका हुन् ।
