तेस्रो आँखा
काठमाडौं,२ जेठ । काठमाडौंको त्रिपुरेश्वरमा गत सोमबार एक जना युवकको शव फेला परेको छ। सोमबार बिहान करिब ६ बजे बारा सिम्रौनगढ नगरपालिका ८ घर भई ललितपुरको सानेपा बस्ने अन्दाजी २२ वर्षीय अभिषेक जैसवालको शव फेला परेको हो।
आइतबार रातिबाट हराएका उनी सोमबार बिहान त्रिपुरेश्वरको निर्माणाधीन १० तले भवन कम्पाउन्डमा मृत फेला परेको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए।
उनी राति करिब ९/१० बजे सो भवनमा चढेको सिसिटिभी फुटेजमा समेत देखिएको प्रहरीको भनाइ छ। उनी थापाथलीस्थित इन्जिनियरिङ कलेजमा आर्किटेक्चर पढ्दै गरेका विद्यार्थी भएको बताइएको छ ।
