मनिष खनाल
जापान, २९ पुस । जनप्रगतिशील मञ्च जापानको ९औं अधिवेशन जापानको राजधानी टोक्योमा हुने भएको छ । मञ्चको अधिवेशन आगामी जनवरी २८ तारिखका दिन गर्न लागिएको आयोजकले जनाएका छन् ।
अधिवेशनको भव्य तयारी गरिएको मन्चका अध्यक्ष भवानी पन्तले जानकारी दिए । ‘प्रवासी नेपालीहरुमा आपसी सद्भाब, भाइचारा र एकताको अभियान ः ज्ञान, सीप र पूँजीको लगानीसहित समृद्ध नेपालको लागि नवौं अधिवेशन’ भन्ने मूल नाराका साथ अधिवेशन गर्न थालिएको हो ।
अधिवेशनका लागि माओवादी केन्द्रका नेता ओम शर्मा र लक्ष्मण पन्तको उपस्थिति रहने बताइएको छ । पन्त माओवादी पार्टी प्रवास समन्वय समितिका सहइन्चार्ज हुन् भने शर्मा प्रवास कमिटीका अध्यक्ष हुन् ।
अधिवेशनको तयारीका लागि विभिन्न विभागहरु बनाएर जिम्मा दिइएको मञ्चका महासचिव बाबुराम पौडेलले बताए ।
