काठमाडौँ । गायक तथा संचारकर्मी कृष्ण पाण्डेको स्वरमा ‘माया यस्तै हुँदो रहेछ बोलको गीत सार्वजनिक गरिएको छ । प्रेम वियोगको भावलाई समेटेर तयार पारिएको गीतमा हस्त गौतमको शब्द, मनोज चौलागाईको संगीत तथा एरेन्ज रहेको छ ।
सार्वजनिक गीतको भिडियो छायांकन तथा निर्देशन संचारकर्मी आशिष नेपालले गरेका हुन् । भिडियोको सम्पादन गायक पाण्डेकै रहेको छ । क्लासिकल संगीतका बिदार्थी समेत रहेका गायक पाण्डेले यसअघि आज सारा बन्धन, लेकबेसी, जुनकिरी, जे जे पर्छपर्छ, लगायतका गीतमा स्वर दिइसकेका छन् । सार्वजनिक गीत म्यूजिक बिट नामक यु ट्युब च्यानल मार्फत सार्वजनिक गरिएको छ ।
