काठमाडौं, २५ मंसिर । काठमाडौंबाट धनगढी जाँदै गरेको बस पूर्व-पश्चिम राजमार्गमा पर्ने बाँकेमा दुर्घटना परेको छ । सुदूरपश्चिम प्रदेश ०१-००१ ख ३६४४ नम्बरको बस राप्ती सोनारी गाउँपालिका-८ मगुवामा सडक छेउको रुखमा ठोक्किएर दुर्घटना भएको हो ।
प्रहरीका अनुसार विपरीत दिशाबाट आउँदै गरेको ट्रकलाई जोगाउने क्रममा २४ जना सवार बस रुखमा ठोक्किएर दुर्घटना भएको थियो । दुर्घटनामा दुई जना सामान्य घाइते भएका छन् । उनीहरूको कोहलपुरस्थित मेडिकल कलेजमा उपचार भइरहेको छ ।
दुर्घटनापछि बसका चालक कैलालीको गोदावरी नगरपालिका-१ का ३६ वर्षीय रामबहादुर डाँगीलाई पक्राउ गरिएको जिल्ला प्रहरी कार्यालय बाँकेले जनाएको छ ।
