डाेटि, ६ असार । डोटीको आदर्श गाउँपालिका–१ मौवामा बोलेरो जिप दुर्घटना हुँदा दुई जनाको घटनास्थलमै मृत्यु भएको छ ।
आदर्श गाउँपालिकाका अध्यक्ष गणेशबहादुर खड्काका अनुसार मौवाबाट सायल गाउँपालिका तर्फ जाँदै गरेको जिप दुर्घ'टनामा परेको हो। जिपमा ८ जना सवार थिए।
दुर्घटनामा दुई जनाको मृत्यु भएको छ भने छ जना घाइते भएका छन्। घाइतेमध्ये तीन जनाको अवस्था गम्भीर रहेको छ। तीन जनाको मौवामै उपचार भइरहेको छ भने अन्यलाई डडेलधुरा रेफर गरिएको खड्काले जानकारी दिनुभयाे।
