तेस्रो आँखा
काठमाडाैं,२३ वैशाख । पुर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपालले अहिलेसम्म प्राप्त गरेको उपलब्धि जोगाउन पाँच दलिय गठबन्धनको बिकल्प नभएको बताएका छन् । शुक्रबार काठमाडौंमा आयोजित सत्तारूढ दलको संयुक्त चुनाबी सभालाई सम्बोधन गर्दै नेपालले यस्तो बताएका हुन् ।
उनले भने ‘अहिलेसम्म प्राप्त गरेको उपलब्धि जोगाउन पाँच दलिय गठबन्धनको बिकल्प छैन ।’ कहिँ नभएको जात्रा केपि ओलिको पालामा देखिएको भन्दै उनले ओलीप्रती व्यंग्य गरे। उनले हरेक अप्ठेरोमा नेपाली काङ्ग्रेस र नेपाल कम्युनिस्ट पार्टी संगै अगाडी बढेको बताए । एकता बद्द भएर अगाडी बढ्नुको बिकल्प नभएको बताए ।
प्रतिगमनकारी को नेतृत्व नेकपा एमालेले गरेको उनको भनाइ छ । ओलिको गठबन्धनमा बिदेशी सामु लम्पसार पर्ने, संविधान नमान्नेहरु भएको र प्रगतिशिल गठबन्धनमा संविधानको रक्षा गर्ने, संघीयता र लोकतन्त्र बचाउनेहरु आफ्नो गठबन्धनमा भएको दाबी गरे । पबित्र उद्देश्य राखेर पाँच दलीय गठबन्धन अगाडी बढेको उनले दाबी गरे ।
काठमाडौंको मेयरको उम्मेदवारले काठमाडौंको स्वास्थ्य, सडक, खानेपानी, फोहोर हरेक बिषयमा निकै राम्रो प्रतिबद्धता व्यक्त गरेको भन्दै उनले मेयर पदको उम्मेदवार सिर्जना सिंहलाई धन्यवाद ज्ञापन गरे । चुनाबी तयारीमा लाग्दा संयुक्त रुपमा लाग्न र गठबन्धनको महत्त्व जनताले बुझ्ने गरि अगाडी बढ्न उनले आग्रह गरे । मतदातालाई प्रष्ट पार्न सकेको खण्डमा आफ्नो जित सुनिश्चित रहेको उनले दाबी गरे । तटस्थ मान्छेले राम्रो उम्मेदवार अगाडी सारेको प्रतिक्रिया दिएको पनि उनले जिकिर गरे ।
