काठमाडौँ । गायिका ज्योति मगर नाच्दानाच्दै स्टेज भासिएको छ । इलामको माइ नगरपालिका १ मा बिहीबारेमा भएको १३ कुने सिमसार महोत्सवमा ज्योति मगर नाच्दानाच्दै स्टेज भासिएको हो ।
सामाजिक सञ्जालमा सार्वजनिक भएको भिडियोमा ज्योति मगर गीत गाउँदै नाच्ने क्रममा उफ्रँदा भ्वाङ परेर त्यसमा खसेको देखिन्छ । महोत्सव पुस १७ देखि २० गतेसम्म आयोजना भएको थियो ।
महोत्सवमा पुस १९ गते राति करिब ११ बजे ज्योति मगरले आफ्नो प्रस्तुति दिएको जनाइएको छ । ज्योति खाल्डोमा खस्ने बित्तिकै सुरक्षाकर्मी आएर उठाएको भिडियोमा देखिन्छ ।
सो घटनालाई लिएर सामाजिक सञ्जाल प्रयोगकर्ताले आयोजकप्रति आक्रोश व्यक्त गरेका छन् ।
