तेस्रो आँखा
काठमाडौं,१० जेठ । अनिल कपुर र वरुण धावनको मुख्य अभिनय रहेको फिल्म ‘जुग जुग जियो’को ट्रेलर सार्वजनिक भएको छ। आइतबार साँझ फिल्मको ट्रेलर सार्वजनिक भएको हो। भारतको पटियाला क्षेत्रको कथा बोकेको यो फिल्ममा प्रेम र परिवारको कथालाई देखाइएको छ।
परिवारभित्रका विभिन्न आयामहरुलाई फिल्ममा देखाइएको फिल्मको निर्माण पक्षले जनाएको छ। फिल्ममा वरुण र अनिलसँगै कायरा अडभानी, नितु कपुर, मनिष पौल, प्राजक्ता कौललगायतका कलाकारको अभिनय रहेको छ। फिल्मलाई राज मेहताले निर्देशन गरेका छन्। अनुराग सिंहको कथा रहेको फिल्ममा पटकथा र संवाद भने रिशव शर्माको रहेको छ।
